Prodott taż-żejt tal-palm mhux raffinat jista’ jkun ta’ periklu għas-saħħa

L-Awtorità għas-Sigurtà tal-Ikel qed tavża lill-pubbliku biex ma jikkunsmax żejt tal-palm mhux raffinat tad-ditta A.F.P. African Food Product, oriġini mill-Ekwador, wara li rriżulta li fih livelli għoljin ta’ Idrokarburi Aromatiċi taż-Żejt Minerali (MOAH).

Dawn il-kimiċi ġejjin minn distillazzjoni u raffinar ta’ pitrolju u jistgħu jidħlu fl-ikel permezz ta’ kontaminazzjoni jew proċess ta’ produzzjoni. Il-preżenza tagħhom tista’ tħalli effetti negattivi fuq is-saħħa tal-bniedem.

Dettalji tal-prodott:

• Prodott: Żejt tal-palm mhux raffinat

• Ditta: A.F.P. African Food Product

• Oriġini: Ekwador

• Data tad-durabbilità: 19/11/2026

• Lot No.: Batch 2372 57

• Kwantità: 500ml

L-Awtorità qed tirrakkomanda li l-konsumaturi jevitaw dan il-prodott immedjatament.